SALAM SAMBAH

Assalamualaikum warohmatullahi wabarakatuh

Bismillah hirrohmanirrohim...

Buruang Balam Buruang Barabah

Tabang Tinggi Ka Pohon Jati

Sairiang Salam Jo Sambah...

Izinkan Ambo Mampakenalkan Diri

Disusun Jari Nan Sapuluah

Ditakuakan Kapalo Nan Satu 

Dihujamkan Lutuik Nan Duo

Kapado Allah Ampun Dimintak

Sambah Dianta Dipuhunkan..

Kapado Penghulu Pamangku Adat

Bilal Maulana jo Tuanku...

Nan Manjunjuang Soko Dalam Ada

Sarato Imam Dan Khatib..

Nan Mudo Pambimbiang Dunia

Bundo Kanduang Samo Di Dalam

Sarato dunsanak Kasado Nyo..

Buruang Balam Buruang Barabah

Tabang Tinggi Ka Pohon Jati

Sairiang Salam Jo Sambah...

Izinkan Ambo Mampakenalkan Diri

Sairiang Balam Nan Jo Barabah

Singgah Subanta Di Ateh Kayu

Tarimo Lah Salam Nan Jo Sambah

Dari Ambo si Ade nan di rantau

Mamikek Balam Ka Dalam Rimbo

Balam Tapikek Di Hari Sanjo

Jawek Lah Salam Dari Ambo Ko

Untuak Dunsanak Ka Sadonyo

Suliek Aie Koto Nyo Tinggi

Bukik Kanduang ado Subarang

Awan Bararak Den Tangisi
Takana Badan Jauah Di Rantau Urang

Batang Sicerek Di Tapi Banda

Kok Rabah Tolong Tagak kan

Ambo Ketek Baru Baraja...

Kok Salah Tolong Tunjuak kan 

Wassalamualaikum warahmatullah hiwabarokatuh

--- Tarimo Kasih ---